“千金難買海綿肌”！即係皮膚細胞好似海綿咁，好識吸水，唔會漏水，按佢係會有回彈力！

補充水份或者養份既產品成街都係，但係”海綿肌”就好難有！韓國既皮膚教授講左幾年，其實即係指一個情況：年紀愈大皮膚細胞愈唔鎖水，皮膚細胞愈乾就會愈唔吸收！咦？唔係愈乾愈吸收嫁咩？唔係！細胞乾同人肚餓既概念完全唔同，好似海綿咁，乾到硬既海棉又粗又唔識吸收，但係有一定濕度既海綿，又滑又有吸力，有幾多吸幾多，有入無出漲卜卜！做到海綿肌，”老化”就視你為眼中釘😂

係推出之前，我派左幾支出去，派得實在太有價值！！

一個 18歲成日生暗瘡既男仔變得唔生暗瘡！

一個連洗面都敏感既媽媽無再出現敏感情況！

一個成日話乾既女仔洗完面噴完佢全日都唔乾！

一個好懶護膚既姐妹，竟然問我可唔可以比多支佢！！

Pitanium The Pink Water，我會形容佢做一支有統治力既護膚產品，即係絕大部份皮膚問題佢都可以解決，亦會形容佢為細胞級既即時滲透性濃縮養份，習慣左用佢，絕對有可能連本身用緊既肌底液、爽膚水同埋精華產品都會放埋一邊唔再用！

洗完面噴一噴，拍一拍就會吸收晒，皮膚非常非常明顯地有一種被深層補水既感覺，而呢種充滿水份既感覺係皮膚結構入面，皮膚表面係少少油膩感都無，依然可以好似海綿咁樣吸收，但係又唔會覺得 D 水份係走緊，屬於乾性皮膚既我用左幾個月，如果正常天氣，唔係極凍極乾，甚至乎連 Cream 都唔洗搽我都好放心走去訓覺！我直頭覺得有懶既權利，就算懶，皮膚都可以好左！！

用落好簡單，即係結構唔簡單！Pink Water 可以咁去理解！製造過程入面將一堆超濃縮既皮膚水性精華打到散到可以直接進入皮膚細胞既大小做極強既細胞填充，然後又會透過極小分子既脂質去強化每一粒細胞既鎖水屏障！即係話，所有精華有入無出，呢個就係開頭講既海綿肌！當皮膚進入呢個狀態，噴完佢敷 Mask 都會覺得吸收好多有用好多！

而做到海綿肌，係因為入面有大量既鎮靜小分子濃縮精華，先將唔同膚質既細胞放鬆帶入穩定狀態，再注入水份，咁樣細胞吸收其他營養既效率就會提升，然後鎖住，分解！手摸唔到有油脂係皮膚表面，但係水份同養份都唔會有流失既感覺！乾既皮膚會愈黎愈少乾，油既皮膚會愈用愈少油，敏感皮膚會愈用愈少敏感。

敏感肌既敏感情況大大減少，因為細胞長時間處於鎮靜同夠水份既狀態，必要時甚至係可以用黎做皮膚既鎮靜急救，即係話用強力既潔面產品之前用 Pink Water 噴棉抺面先可以做到 Pre-Cleansing 大大減少敏感機會，平時做完 Treatment 後修復可以用黎做皮膚穩定同水份補充，有時敏感起紅或者痕可以用濕綿局部敷，可以大大增強皮膚去用強效產品既抗敏力！

如果天氣極乾或者鍾意皮膚表面多層油既滋潤感，噴完用少少 Cream 都得！除非有 D 精華成份好想用係皮膚，如果唔係我直頭覺得唔需要！Pink Water 入面已經有維他命 B3、B5、松樹、蘆薈、膠原蛋白、6種 Peptides、8種花既複合精華等等，鎮靜、抗敏、保濕、抗皺、代謝、彈性、修復、角質分解既濃縮精華都有係入面，極吸收而且分分鐘平時 Toner 精華同埋 Cream 加埋都冇咁豐富。如果仲係以前可以成日塔飛機飛黎飛去既日子！我會話👉🏻最緊要帶佢走！

有一個特點係得 Pink Water 比到我，係趕走”廢胞”狀態！水份唔夠、代謝慢、敏感繃緊等等都會令皮膚細胞唔識吸收同埋運作得好差，有時爆粒粒，有時出多左油，有時做個 Treatment 或者敷完個 Mask 都好似無咩料到，韓國教授叫呢 D 做懶細胞，我叫佢做”廢胞”😂 以前可能又要搵原因，又要好 Instense 做好多重功夫去提升番皮膚既狀態！而家 Pink Water 夠直接同埋夠全面，可以好快將細胞變番做靚胞！對於我呢 D 又心急又懶又要有效果既人黎講太有價值！

無論係平時好悉心打理皮膚想再強化再好 D，或者本身一切從簡唔太講究，又或者平時乜都唔用(e.g.男仔)，Pink Water 都可以令打理膚變得好簡單，皮膚會有明顯既改善同埋處於好穩定既狀態！

Pink Water 穿透力強，先針對底層，底層飽左就到中間，一路向上，所以我地會 Suggest 咁樣用：

一噴海綿肌，用黎濕潤底層(至中層)嘅皮膚細胞，之後拍拍拍即時吸收，令皮膚進入海棉狀態，黎緊可以吸吸吸！咁樣係最清爽舒服又好吸收既狀態！皮膚會好 Chur！

二噴飽飽肌，第一層吸收完 30秒之後，第二噴！將吸收狀態既皮膚細胞餵飽！鍾意可以再噴第三層做表層鎖緊！噴第一層感覺係極之清爽又有水份既效果，第二層係平時搽完精華嘅感覺，第三層直頭有種內至外都好充實嘅感覺，皮膚內外都會有滋潤感！